Məşhur aktrisanın “Tesla”sı soyuldu: 3 minlik çanta oğurlanıb - FOTO

Məşhur amerikalı aktrisa Jenna Devanın avtomobili günün günorta çağı soyulub.

Avtosfer.az yerli mətbuata istinadən xəbər verir ki, soyğunçuluq hadisəsi Los Anceles şəhərində baş verib.

Aktrisa “Tesla” markalı avtomobilini yol kənarına park edərək şəhərin Sanset Strip küçəsində gəzintiyə çıxıb. Bundan sonra qara dərili bir qadın avtomobilə yaxınlaşaraq sərnişin oturacağı tərəfindən şüşəni qıraraq oradan dəyəri 3 min dollar, “Saint Laurent” brendi olan kiçik əl çantasını götürüb və “KİA” markalı maşına minərək uzaqlaşıb. Gəzintidən qayıdan aktrisa soyulduğunu görüb məyus olaraq əvvəlcə polisə, sonra da sevgilisi Stiv Kanziiyə zəng vurub. Hadisə yerinə gələn polis araşdırmalara başlayıb. Kanzii isə qorxmuş sevgilisini sakitləşdirməyə çalışıb.

Namiq Musayev