Moskva-Paris reysi ilə uçan təyyarə Lüksemburqda təcili eniş edib

Air France aviakompaniyasının Moskva-Paris reysini yerinə yetirən təyyarəsi Lüksemburq aeroportuna təcili eniş edib. Avtosfer.az Azərtac-a istinadla yaydığı məlumata görə, hadisə nəticəsində zərər çəkən olmayıb. Məlumatda təyyarənin təcili enişinin göyərtədə qeydə alınan fövqəladə vəziyyətlə bağlı olduğu və detalların dəqiqləşdirildiyi bildirilir. Söhbət “uçuşun gedişində xırda texniki nasazlıqdan” gedir. Narahatlığa heç bir əsas olmadığını deyən aviakompaniyanın təmsilçisi qeyd edib ki, təyyarə Lüksemburq aeroportuna həyəcan siqnalının işə düşməsi səbəbindən enib və zəruri texniki baxışdan sonra Parisə uçacaq.