Moskvada trap Yerevana uçmalı olan təyyarəyə çarpılıb

Moskvanın Şeremetyevo hava limanında təyyarənin Moskva-Yerevan marşrutu ilə uçuşa hazırlaşdığı zaman özü hərəkət edən trap laynerə çarpılıb. Avtosfer.az "Report"a istinadən xəbər verir ki, "Nordwind" aviaşirkətinə məxsus təyyarə zərər gördüyündən sərnişinlər ehtiyat hava gəmisi ilə uçmalı olacaq.

Xatırladaq ki, ötən həftə də "Nordwind" aviaşirkətinin həyata keçirməli olduğu Moskva-Yerevan reysində də qəza baş verib. İyulun 19-da baş verən hadisə zamanı təyyarənin göyərtəsində tüstülənmə barədə siqnal verildiyindən sərnişinlər hava trapı ilə təcili təxliyyə edilməli olub. Təxliyyə zamanı 5 sərnişin xəsarət alıb, 2 nəfər xəstəxanaya yerləşdirilib.