Narkokartel üzvləri ilə polis arasında atışma: 14 ölü

Meksikada Şimal-Şərq Kartelinin üzvləri ilə ərazi polisi arasında baş vermiş toqquşma nəticəsində azı 14 nəfər həlak olub. Avtosfer.az xəbər verir ki, hadisə noyabrın 30-da Koaulia ştatında qeydə alınıb. Bu barədə regionun qubernatoru Migel Solisa bildirib.

Onun sözlərinə görə, narkokartelin 10 yaraqlısı və 4 asayiş keşikçisi ölüb, daha 6 polis isə yaralanıb. Döyüş Vilya-Union bələdiyyəsi ərazisində baş verib. Cinayətkarlar avtomat və iri kaliberli silahlardan istifadə edib.

Polisə hücumda iştirak etmiş narkokartel üzvlərinin dəqiq sayı hələlik naməlum qalır.

Araşdırmalara davam etdirilir.

Namiq Musayev