Naxçıvan Dövlət Universitetində tədris dayandırılıb?

"Naxçıvan Dövlət Universitetində tədrisin dayandırılması ilə bağlı yayılan məlumatlar həqiqəti əks etdirmir".

Avtosfer.az xəbər verir ki, bu barədə Oxu.Az-a açıqlamasında universitetin Media və ictimaiyyətlə əlaqələr şöbəsinin müdir müavini Aqşin Məhərrəmov məlumat verib.

O bildirib ki, hazırda tədris davam edir:

"Tədris prosesinin dayandırılması ilə əlaqədar hər hansı qərar qəbul edilməyib. Hazırda dərslər keçirilir. Tədrisin dayandırılması ilə bağlı yayılan məlumatlar doğru deyil".

Qeyd edək ki, fevralın 28-də ABŞ və İsrail İrana qabaqlayıcı zərbələr endirməyə başlayıblar. Bundan sonra İran həm İsrailə, həm Yaxın Şərqdə ABŞ bazaları yerləşən ölkələrə raket hücumlarına başlayıb.

Azərbaycan dəfələrlə öz ərazisinin İrana qarşı heç bir hərbi əməliyyatda istifadə olunmayacağını açıqlasa da, molla rejimi yenə öz bildiyini edərək, bu gün xaincəsinə Naxçıvana dron hücumunu gerçəkləşdirib.