Nazirlik işçilərinin olduğu avtobus partladıldı – 10 ölü, 41 yaralı

Əfqanıstanın Kabil şəhərində avtobusun partladılması nəticəsində 10 nəfər ölüb, 41 nəfər isə xəsarət alıb. Avtosfer.az “RİA Novosti”yə istinadən xəbər verir ki, hadisə iyulun 25-i səhər saatlarında baş verib. Bu barədə “1TV” telekanalı məlumat yayıb. DİN nümayəndəsi Nüsrət Rəhimin məlumatına görə, intiharçı-terrorçu motosikletdə olan partlayıcı qurğunu işə salıb. O qeyd edib ki, partlayış Mədən Nazirliyinə məxsus avtobusun içərisindəki işçilərə qarşı məqsədli şəkildə törədilib. Rəhim əlavə edib ki, bu hadisədən sonra Kabildə daha bir partlayış olub.

Hələ ki heç bir qruplaşma hadisəni öz üzərinə götürməyib.

Namiq Musayev