Neft tankerində partlayış: 3 nəfər ölüb, 1 nəfər isə itkin düşüb - VİDEO

Rusiyanın Naxodka dənizi limanı sahilində “Zaliv Amerika” neft daşıyan tankerində partlayış baş verib. Avtosfer.az xəbər verir ki, partlayış bu gün yerli saatla 8.30 radələrində qaz-hava qarışığının sızması səbəbindən baş verib.

Bildirilir ki, hadisə zamanı göyərtədə 9 nəfər ekipaj üzvü olub.

Nəticədə 3 nəfər ölüb, 1 nəfər isə itkin düşüb. Xilasetmə briqadası itkin düşən dənizçinin axtarışlarına başlayıb.

Vladivostok əyalətinin prokurorluğundan verilən məlumata görə, gəminin batmaq ehtimalı yoxdur. Neft məhsullarının suya axmasının qarşısı alınıb.

İnsidentlə bağlı araşdırmalara başlanılıb.

Namiq Musayev