Nərimanovda 16 yaşlı gənc döyülüb

Bakının Nərimanov rayonunda döyülmə hadisəsi baş verib. Avtosfer.az "Report"a istinadən xəbər verir ki, hadisə Nərimanov parkında qeydə alınıb.

Belə ki, 2003-cü il təvəllüdlü Əhmədov İlham Bayram oğlu naməlum şəxslər tərəfindən döyülüb.

Yaralı təcili tibbi yardım briqadasının köməkliyi ilə xəstəxanaya gətirilib. Ona kəllə-beyin travması diaqnozu qoyulub.

Faktla bağlı araşdırma aparılır.