Oğuzda 78 yaşlı satıcı bazarda ölüb

Oğuz rayonunda bazarda ölüm hadisəsi baş verib. Avtosfer.az-ın "Report"a istinadən məlumatına görə, rayonun Yaqublu kənd sakini, 1941-ci il təvəllüdlü Fərəc Fərəcov bazarda olarkən anidən halı pisləşib və yıxılıb.

Hadisə yerinə təcili tibbi yardım briqadası cəlb olunub və müayinə zamanı onun öldüyü müəyyənləşib.

İlkin məlumata görə, F.Fərəcov yüksək təzyiq nəticəsində dünyasını dəyişib.

Mərhumun bazarda toxum alveri ilə məşğul olduğu bildirilir.

Faktla bağlı araşdırma aparılır.