Olimpiya Stadionunun ətrafındakı yollar da bağlandı - Təlimçidən ETİRAZ - VİDEO

Paytaxtın Heydər Əliyev prospekti, Bakı Olimpiya Stadionunun ətrafındakı yollar bağlanıb.

Bu barədə sürücülük təlimçisi Arzu Babazadə Avtosfer.az-a videomaterial göndərib. Bir müddət öncə təlim keçdikləri böyük ərazinin bağlandığını vurğulayan Arzu Babazadə artıq qeyd olunan ərazidən də istifadənin məhdudlaşdığını bildirib: “Çox təəssüf ki, Azərbaycanda təlim meydanı yoxdur. Təlim üçün istifadə edilən ərazilərdən biri də artıq bağlandı. Əvvəl “Koroğlu” metrosunun yaxınlığında yerləşən böyük ərazidən istifadə edirdik. Eyni zamanda dövlət əhəmiyyətli tədbirlər üçün də istifadə olunan ərazi idi. Təəssüf ki, artıq ora bağlıdır. Hal-hazırda istifadəsi məhdudlaşan ərazidə təlim keçirdik. Bugündən etibarən bura da bağlandı. Biz təlimçilər təlimi bundan sonra harada keçək? Necə edək? Azərbaycanda təlim üçün artıq ərazi yoxdur”. 

Nərmin