Ölümə səbəb olan “ZİL” sürücüsünün məhkəməsi başlayır

Tovuz rayonunun Əsrik-Cırdaxan kəndi ərazisində ölümlə nəticələnən yol-nəqliyyat hadisəsi törətməkdə təqsirləndirilən Əfqan Quliyevin cinayət işi üzrə ibtidai istintaq başa çatıb. Avtosfer.az-ın "Report"a istinadən xəbərinə görə, cinayət işi baxılması üçün Gəncə Ağır Cinayətlər Məhkəməsinə göndərilib.

Hakim Elmin Rüstəmivun icraatına verilən iş üzrə hazırlıq iclası yaxın günlərdə keçiriləcək.

Qeyd edək ki, hadisə martın 17-də baş verib. Əsrik-Cırdaxan kənd sakini Əfqan Quliyevin idarə etdiyi “ZİL” markalı avtomobili aşırması nəticəsində sərnişin Əli Abbasov hadisə yerində ölüb.

Ə.Quliyevə Cinayət Məcəlləsinin 263-1.3-cü (yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.