Ov edən şəxslər saxlanılıb

Astara Rayon Polis Şöbəsinin əməkdaşları tərəfindən noyabrın 15-də Pensər kəndi ərazisində qanunsuz ov edən kənd sakinləri İ.Rufullayev, S.Rüstəmov və Lənkəran rayon sakini S.İsmayılov saxlanılmışlar. Onlardan müvafiq sənədləri olmayan 3 ədəd “İJ” markalı ov tüfəngləri götürülmüşdür.
Hər üç şəxs barəsində İnzibati Xətalar Məcəlləsinin 272.3 maddəsi ilə (Ov qaydalarının kobud şəkildə pozulmasına (lazımi icazə olmadan və ya qadağan edilmiş yerlərdə, yaxud qadağan olunmuş müddətlərdə, qadağan edilmiş alətlərlə və ya üsullarla ov edilməsinə), habelə digər ov qaydalarının müntəzəm pozulmasına görə) protokol tərtib edilmişdir.