Pakistan Hindistan Prezidentinin təyyarəsini öz hava məkanına buraxmadı

İslamabad, Nyu-Delhinin Hindistan Prezidenti Ram Nath Kovindin təyyarəsinin Pakistan hava məkanı üzərindən uçması üçün icazə verməsinə dair xahişini rədd edib.

Avtosfer.Az virtualaz.org-a istinadən bildirir ki, bu barədə məlumatı şənbə günü Pakistanın Xarici İşlər naziri Mehmud Qureşiyə istinadən "Agence France-Presse" (AFP) yayıb.

"Biz bu qərarı Hindistanın davranışına əsaslanaraq verdik", - deyə o bildirib.

Nazir qeyd edib ki, Hindistan Pakistandan bazar günü İslandiyaya səfər etmək niyyətində olan Kovindanın təyyarəsinin uçması üçün hava məkanından istifadə mümkünlüyü barədə soruşub. İslamabad buna imtina ilə cavab verib.