Pakistanda qatar yanğının başvermə səbəbi açıqlanıb

Pakistanın sərnişin qatarında 73 nəfərin həlak olması ilə nəticələnən yanğın qaz balonunun partlayışı nəticəsində baş verib. Avtosfer.az "Report"a istinadən xəbər verir ki, bunu Pakistanın Dəmiryol Nəqliyyatının operatoru tərəfindən keçirilmiş araşdırmanın nəticələri göstərir. "Müəyyən edilib ki, yanğın qatarın bəzi "ekonom klass" sərnişinləri üçün səhər yeməyi hazırlamağa başlayarkən baş verib", - deyə "Pakistan dəmir yolları"nın icraçı direktoru Aycaz Əhməd Buriro bildirib. "Hadisə haqqında ilkin hesabat şənbə günü alınıb, araşdırmanın ətraflı nəticələri noyabrın 20-də hazırlanacaq", - Buriro əlavə edib.

Qeyd edək ki, oktyabrın 31-də Karaçi şəhərindən Ravalpindi istiqamətində hərəkət edən sərnişin qatarında qaz balonunun partlayışı nəticəsində güclü yanğın baş verib. Məlumatlara görə, hadisə nəticəsində 73-dən çox insan həlak olub, 40-dan sərnişin yaralanıb.