“Polis” 50 minlik qızıllarla qaçarkən avtobusda yaxalandı - FOTO

Türkiyədə özünü “polis” kimi təqdim edən dələduz polis tərəfindən yaxalanıb. Avtosfer.az xəbər verir ki, Əskişəhərədə yaşayan keçmiş məmur N.A.-ya zəng vuran M.B., özünü “polis” kimi qələmə verərək, “Bir zərgərlik mağazasının qarət edildiyi və hadisə yerində sizə aid bank kartlarının tapıldığı, məsələyə aydınlıq gətirmək üçün evdə nə qədər qızıl varsa araşdırma aparılması üçün gətirmənizi xahiş edirik” – deyib.

Təlaşa düşən N.A. da evdə 50 min lirəlik (15 min Azn) dəyərində qızılları götürüb verilən adresə gedərək M.B.-yə təslim edib. M.B., zinət əşyalarını əldə etdikdən sonra, “Bölməyə gedirəm” -  deyərək oradan uzaqlaşıb. Aldadıldığını gec də olsa anlayan N.A. hadisəni polisə bildirib.

Əməliyyat-axtarış tədbirlərinə başlayan Əskişəhər Polisi, M.B.-ni avtobusla Şanlıurfaya qaçacağını öyrənərək vəziyyəti Ankara Polisinə bildirib. Hərəkətə keçən Ankara Polisi avtobusun keçəcəyi yol üzərində tətbiq nöqtəsi qurub. Polis əməkdaşlarının dayandırdıqları sərnişin avtobusunda, şübhəli M.B.-ni zinət əşyaları ilə birgə yaxalayaraq bölməyə gətirilib.

M.B. polisə verdiyi ilkin ifadəsində, həbsxanadan yeni azad olunduğunu, tanıdığı bir məhkumdan dələduzluğun üsullarını öyrəndiyini danışıb. M.B.-nin dindirilməsi davam etdirilir.

Faktla bağlı cinayət işi başlanılıb, istintaq aparılır.

Namiq Musayev