Polis əməliyyat keçirdi: 3 ton narkotik vasitə aşkarlandı

İranın cənub-şərqində yerləşən Sistan və Bəluçestan vilayətində narkotik maddələrlə mübarizə üzrə polis əməkdaşlarının keçirdiyi 2 əməliyyat nəticəsində 2,76 ton narkotik maddə aşkarlanıb. Avtosfer.az-ın Trend-ə istinadən məlumatına görə, bunu İranın Sistan və Bəluçestan vilayətinin hüquq-mühafizə orqanının polis rəisi Məhəmməd Qənbəri deyib. M.Qənbərinin sözlərinə görə, əldə olunan məlumatlar əsasında polis əməkdaşları İranşəhr rayonunda əməliyyat keçirib. Qənbəri əlavə edib ki, əməliyyatda 2 ədəd avtomobildən 1,07 ton tiryək, 410 kq həşiş, 17 kq digər narkotik maddə, həmçinin 2 ədəd “Kalaşnikov” silahı aşkarlanıb və 2 nəfər saxlanılıb.