Polis və silahlılar arasında atışma: 11-i polis, 3 yaraqlı öldü

Əfqanıstanda polis və “Taliban” radikal hərəkatının yaraqlıları arasında baş verən toqquşmada azı 10 polis əməkdaşı ölüb. Avtosfer.az xəbər verir ki, insident bu gün gecə saatlarında ölkənin şimalında yerləşən Qunduz əyalətində qeydə alınıb. Bu barədə “Tolo News” telekanalı məlumat yayıb.

Məlumata görə, Sahib rayonunda hərəkatın bir qrup silahlısı iki polis nəzarət məntəqəsinə hücum edib. Nəticədə azı 10 əfqan asayiş keşikçisi, həmçinin polis rəisi Məhəmməd Zahir həlak olub.

Bildirilir ki, döyüş zamanı yaraqlılardan isə 3 nəfər öldürülüb.

Əyalət məclisinin üzvü Xaluddin Hakimi qeyd edib ki, ölənlər "10-dan çox ola bilər".

Namiq Musayev