Polis yük qatarından 11 azyaşlı uşaq aşkarladı

Slovakiya polisi yük qatarı ilə gəlmiş valideynsiz və başsız azyaşlı uşaq miqrantlarla bağlı təhqiqatlara başlayıb. Avtosfer.az “RİA Novosti”yə istinadən xəbər verir ki, qatar Serbiyanın Subotiça şəhərindən gəlib. 

Məlumata görə, uşaqlar qatardan endikdən sonra relslərin üzərində qaçaraq şəhərə giriş axtarıblar. Bu zaman onları bir şirkət çalşanı görüb və polisə xəbər verib. 

Bildirilir ki, uşaqlardan 9-u əfqanıstanlı, 2-si isə pakistanlıdır.

Polis nümayəndəsi Denisa Bardiova söyləyib ki, onlar Slovakiyaya bir neçə ölkənin ərazisindən keçərək “qeyri-insani şəraitdə” gəliblər.

Azyaşlılar sosial xidmətlərə təhvil verilib.

Namiq Musayev