Prezident onu nazir müavini təyin etdi - FOTO

Natiq Həsənov maliyyə nazirinin müavini təyin olunub. Avtosfer.az-ın "Metbuat.az"a istinadən məlumatına görə, bununla bağlı Azərbaycan Respublikası Prezidenti İlham Əliyev bu gün Sərəncam imzalayıb.

30 yaşlı polkovnikə yüksək vəzifə verildi - GENERALDAN TƏYİNAT - FOTO

Qeyd edək ki, Natiq Namiq oğlu Həsənov 1979-cu ildə anadan olub. Əmək fəaliyyətinə 2001-ci ildən özəl sektorda başlayıb. Həmin ildən 2008-ci ilədək bir sıra şirkət və təşkilatlarda müxtəlif vəzifələrdə çalışıb.

2008-2011-ci illərdə İqtisadiyyat Nazirliyində Sahibkarlığın inkişafı siyasəti şöbəsində Sahibkarlıq fəaliyyətinin dövlət tənzimlənməsi sektorunun məsləhətçisi vəzifəsində çalışıb.

2011-2012-ci illərdə İqtisadiyyat Nazirliyinin İqtisadi siyasət, təhlil və proqnozlaşdırma şöbəsində Qeyri-neft sahələrinin inkişafı sektorunun müdiri vəzifəsində çalışıb.

2012-2018-ci illərdə İqtisadiyyat Nazirliyinin Dövlətlərarası iqtisadi əməkdaşlıq şöbəsinin müdir müavini vəzifəsində çalışıb.

2018-ci ildən 2025-ci ilədək Azərbaycan Respublikası Kiçik və Orta Biznesin İnkişafı Agentliyinin İdarə Heyəti sədrinin birinci müavini vəzifəsində çalışıb.

10 mart 2025-ci il tarixdən 8 yanvar 2026-cı ilədək Azərbaycan Respublikasının Maliyyə Nazirliyi Aparatının rəhbəri vəzifəsində çalışıb.

Azərbaycan Respublikası Prezidentinin 8 yanvar 2026-cı il tarixli Sərəncamı ilə maliyyə nazirinin müavini təyin olunub.

Bir sıra xarici ölkələrdə müxtəlif təlim, seminar və kursların iştirakçısı olub, eləcə də, ölkədə keçirilmiş bir sıra beynəlxalq tədbirlərin təşkilati işlərində iştirak etmişdir.

Azərbaycan Respublikası Prezidentinin Sərəncamı ilə 2019-cu ildə “Tərəqqi" medalı” ilə təltif olunub.

İngilis, rus dillərini bilir. Ailəlidir, üç övladı var.

Fotoda: Natiq Həsənov