Qadına qarşı soyğunçuluq edən keçmiş məhbus saxlanılıb - Bakıda

Bakıda zor tətbiq edilməklə qadının 970 manat pulu və mobil telefonu oğurlanıb. Daxili İşlər Nazirliyinin (DİN) Mətbuat xidmətindən Avtosfer.az-a verilən məlumata görə, paytaxt sakini olan həmin şəxs Xəzər rayonunun Binə qəsəbəsində yeni yaradılan 3-cü Polis Bölməsinə müraciət edib. Adı açıqlanmayan qadın qəsəbə ərazisində naməlum şəxsin ondan zorla içərisində 970 manat pulu və mobil telefonu olan pulqabısını aldığını bildirib. “İsti izlər”lə keçirilmiş əməliyyat-axtarış tədbirləri nəticəsində soyğunçuluğu törətməkdə şübhəli bilinən Binə sakini, əvvəllər məhkum olunmuş Qəzənfər Kişiyev 3-cü Polis Bölməsinin əməkdaşları tərəfindən saxlanılıb. Araşdırma aparılır.

Namiq