Qanunu pozan satıcılar cərimələnib

Yetkinlik yaşına çatmayanlara tütün məmulatı satılan mağazanın satıcıları cərimələnib

Polis orqanları tərəfindən yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması istiqamətində mütəmadi olaraq tədbirlər keçirilir.

Bakı şəhər BPİ İctimai Təhlükəsizlik İdarəsinin əməkdaşları tərəfindən 15-27 noyabr tarixlərində paytaxt ərazisində keçirilən reydlərdə yetkinlik yaşına çatmayanlara tütün məlumatlarının satışı halları müəyyən edilib. 

Belə ki, Xəzər rayonunda 1, Sabunçu rayonunda 1 və Nərimanov rayonunda 1 mağazada satıcıların azyaşlılara tütün məmulatları satmaları faktı aşkar edilib.

Həmin mağazaların satıcıları – R.Quliyev, Q.Nağızadə  və T.Xəlilov barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirtli, alkoqollu içkilərin və ya tütün məmulatlarının yetkinlik yaşına çatmayanlara satılmasına görə) protokollar tərtib olunub.

Bu istiqamətdə tədbirlər davam etdirilir.