Qatarların hərəkəti məhdudlaşdırılacaq - Yaxın üç gündə

Fransada dəmiryolçuların davam edən kütləvi tətilləri səbəbindən bu həftəsonu ölkədə qatarların yalnız 10-15%-i işləyəcək. Fransa dəmir yollarındakı mövcud vəziyyət 9 dekabr tarixində də kifayət qədər çətin olacaq. Avtosfer.az APA-ya istinadən xəbər verir ki, bu barədə Fransa Milli Dəmir Yolları Cəmiyyətinin cümə günü yaydığı bəyanatda deyilir. “Tətil səbəbindən şənbə və bazar günlərində bütün xətlərdə qatarların hərəkəti pozulmağa davam edəcək”, - deyə kommünikedə bildirilir. Cəmiyyət sərnişinlərə mümkün olduqca səfərləri təxirə salmağı və ya yenidən planlaşdırmağı tövsiyə edir.