Qayda pozan sürücü polis əməkdaşını bıçaqladı - FOTO

Gürcüstanın Batumi şəhərində yol patrul inspektoru sürücü tərəfindən bıçaqlanıb. Avtosfer.az xəbər verir ki, insident dekabrın 18-də Çavçavadze küçəsində baş verib.

Məlumata görə, xidməti vəzifəsini yerinə yetirən yol patrul xidmətinin əməkdaşı Otar Tavartkiladze, qayda pozan sürücünü saxlayıb. Avtomobildən enən sürücü naməlum səbəblərdən Tavartkiladzenin boyun nahiyəsinə bıçaq zərbələri endirib.

Nəticədə Otar Tavartkiladze ağır vəziyyətdə, şəhərdə yerləşən klinik xəstəxanalarını birinə çatdırılıb və dərhal əməliyyat olunması üçün cərrahiyə otağına yerləşdirilib. Həkimlər, onun çoxlu qan itirdiyini bildirib.

Hadisədən sonra hücum edən şəxs Tavartkiladzenin həmkarı tərəfindən yaxalanıb.

Son məlumata görə, Otar Tavartkiladzenin cərrahiyə əməliyyatı uğurla başa çatıb.

Klinikanın nümayəndəsinin sözlərinə görə, xəstəni klinikaya mülkü vətəndaş gətirib və onun boyun nahiyəsində iti kəsici alətlə kəsilmiş iki yara izi var idi.

Onun barəsində cinayət işi açılıb, hazırda təhqiqatlar davam etdirilir.

Qeyd edək ki, Otar Tavartkiladze qol güləşi üzrə 70-75 kq çəki dərəcələrində Gürcüstan çempionudur.

Namiq Musayev