Qazaxıstanda qəzaya uğramış sərnişin təyyarəsinin qəza səbəbləri məlum olub

Dekabrın 27-də Qazaxıstanda qəzaya uğramış “Bek Air” aviaşirkətinə məxsus sərnişin təyyarəsinin qəza səbəbləri məlum olub. Avtosfer.az xəbər verir ki, təyyarənin uçuşdan əvvəl quyruğu iki dəfə uçuş-eniş zolağına ilişib və bundan sonra hava gəmisi yana sağa əyilib. Bu barədə Almatı hava limanının “Facebook” səhifəsində yayımlanan məlumatda bildirilib.

Məlumatda həmçinin deyilir ki, hazırda təyyarənin şassisi götürülüb.

İstintaq araşdırmalarına Beynəlxalq aviasiya komitəsinin mütəxəssisləri cəlb edilib.

Xatırladaq ki, Qazaxıstanın "Beck Air" aviaşirkətinə məxsus sərnişin təyyarəsi dekabrın 27-də Almatı aeroportu yaxınlığında qəzaya uğrayıb. Hava gəmisində 95 sərnişin və 5 heyət üzvü olub. Onlardan 15 nəfər ölüb, 66 nəfəri isə xəsarət alıb.

Namiq Musayev