Qəzaların sayı bu yolla azala bilər - AÇIQLAMA

“Bu il sürücülük hüququ olmayan şəxslərin idarə etdiyi avtomobillərdə 66 nəfər həlak olub. Bu, yol hərəkətində ciddi problem olduğunu göstərir”.  Avtosfer.az xəbər verir ki, bunu "Demokrat.az"a açıqlamasında avtomobil üzrə ekspert Elgiz Mehdiyev bildirib.

O deyib ki, sürücülük hüququ olmayan insanlar avtomobili idarə etməyə təcrübəsizdir:

“Onlar yol hərəkəti qaydalarını tam bilmirlər. Buna görə də qəzalar daha tez baş verir. Bu qəzalar yalnız sürücülərin deyil, sərnişinlərin və digər yol istifadəçilərinin də həyatını təhlükəyə atır. Hər bir qəza həm şəxsi faciə, həm də sosial problem deməkdir. Yol təhlükəsizliyini artırmaq üçün qanunlar ciddi şəkildə tətbiq edilməlidir. Profilaktik nəzarət artırılmalı, sürücülük hüququ olmayanların avtomobil idarə etməsinin qarşısı alınmalıdır. Eyni zamanda, insanlara yol hərəkəti qaydalarını öyrətmək, onları bu mövzuya diqqətli etmək çox vacibdir. Bu addımlar qəzaların sayını azaltmağa və insanların həyatını qorumağa kömək edəcək”.