Rusiyada qəzaya uğrayan hücum təyyarəsinin pilotlarının cəsədləri tapılıb

Stavropol diyarında qəzaya uğramış Su-25UB tipli hücum təyyarəsinin 2 pilotunun cəsədləri qəza yerində tapılıb. Avtosfer.az-ın APA-ya istinadən verdiyi xəbərə görə, bu barədə bölgədəki təcili yardım xidmətinin nümayəndəsi məlumat verib. Rusiya Müdafiə Nazirliyindən verilən xəbərə görə, ölən pilotların hər ikisinin təyyarədən qurtulmaq üçün vaxtları olmayıb.

Onların cəsədləri təyyarənin kokpitindən çıxarılıb.

Xatırladaq ki, sentyabrın 3-də Stavropol diyarında planlaşdırılmış təlim-məşq uçuşu zamanı Su-25UB tipli təyyarə qəzaya uğrayıb.