Sahil mühafizəsi 13 miqrantın cəsədini tapıb

Tunisin Sahil Mühafizəsi ölkənin cənub-şərq sahillərindən Afrikadan qeyri-qanuni miqrantların ən az 13 cəsədini tapıb. Avtosfer.az "Report"a istinadən xəbər verir ki, bubarədə Sinxua agentliyinə Tunisin Qızıl Aypara Cəmiyyətinin nümayəndəsi Monci Slim məlumat verib. Daha əvvəl bildirilib ki, Tunis sahillərindən qeyri-qanuni miqrantları daşıyan gəmi çevrilib. Dənizdə çətinlik çəkən insanlara dəstək verən humanitar təşkilat olan Alarm Phone-a görə, 80 nəfər itkin düşüb. Slim isə deyir ki, Medenin əyalətinin Ben-Qardan şəhəri yaxınlığındakı sahildən 13 cəsəd tapılıb. Digər sərnişinlərin axtarışı davam edir.