Salyanda qulyabani peyda olub - VİDEO

Gecələr peyda olaraq hər kəsi qorxuya salır. Üzərində ağ örtük ataraq bütün kəndi gəzərək sakinləri təşvişə salır. Qeyri adi hadisə Salyanın Kürsəngi kəndində baş verir. Demək olar ki, hər gün bu naməlum şəxs kənd ərazisini gəzərək insanları qorxudur.

Görənlər bildirir ki, uca boyu olan bu şəxsin üzü ağ örtüklə bağlı olduğundan üzünü görmək mümkün olmayıb. Ağ rəngli örtük isə qaranlıqda daha vahiməli göründüyündən insanları təşvişə salır. Kənd sakinləri arasında hətta onun insan yox naməlum məxluq olduğunu düşünənlər də var. Sakinlər dediyinə görə o, gecə vaxtı evlərin qaz borularını döyəcləyib gözdən itir.

İndi bütün kənd sakinləri əldə fənər gecə-gündüz qulyabani qiyafəsinə girmiş bu şəxsi axtarır. Amma onun tutmaq mümkün olmayıb.

Sakinlər bununla bağlı artıq polisə də müraciət ediblər.

Polis araşdırmalara başlayıb.