Şəhərin mərkəzində mübahisə etdiyi adamı tapança ilə vurdu: polis şübhəlini axtarır - VİDEO

İstanbulda bir şübhəli tapança ilə mübahisə etdiyi şəxsi vurub. Avtosfer.az xəbər verir ki, insident ötən gün Çəkməköy rayonunun Daşdələn məhəlləsində baş verib.

Məlumata görə, məhəllə kafelərinin birində oturan iki nəfər daha sonra küçəyə çıxıblar. Bir az irəlilədikdən sonra aralarında naməlum səbəbdən mübahisə yaranıb. Mübahisə qısa müddət ərzində davaya çevrilib. Şəxsiyyəti hələ ki, müəyyənləşdirilməyən şübhəli Abdul Salam S.-yə üzərində gəzdirdiyi silahdan atəş açıb. Abdul Salam S.-nin ayağından vuran şübhəli hadisə yerindən qaçıb. Ətrafdakı insanların çağırışı ilə hadisə yerinə polis və səhiyyə briqadaları cəlb olunub. Xəstəxanaya çatdırılan Abdul Salam S.-nin vəziyyətinin yaxşı olduğu bildirilib.

Polis şübhəlini yaxalamaq üçün araşdırmalara başlayıb.

Namiq Musayev