Sərnişin təyyarəsi təcili eniş edib

Rusiyanın Ufa şəhərində "Krasavia" şirkətinə məxsus sərnişin təyyarəsi təcili eniş edib. Avtosfer.az-ın Trend-ə istinadən verdiyi məlumata görə, göyərtəsində 73 sərnişin olan təyyarə mühərrikində nasazlıq yaranması səbəbindən eniş etməli olub.

Bildirilir ki, "Yak-42" təyyarəsi Ufadan Nijnevartovska uçurmuş. Lakin mühərrikdə nasazlıq yarandıqdan sonra təyyarə geri qayıtmaq məcburiyyətində qalıb.

Şəhər prokurorluğu insidentlə bağlı araşdırma aparacaq.