Sərxoş "şir" tramvayda hamilə qadını vəhşicəsinə döydü - VİDEO

Rusiyanın paytaxtı Moskvada hamilə qadını döyən şəxs saxlanılıb. Avtosfer.az xəbər verir ki, bu barədə Moskva üzrə DİN mətbuat xidmətindən məlumat verilib.

Məlumata görə, 41 yaşlı kişi sərxoş vəziyyətdə tramvayda heç bir səbəb olmadan yanında əyləşən hamilə qadını vurub. Zərbələrin şiddətindən qadın huşunu itirərək yerə yıxılıb. O, hadisə yerinə çağırılan “təcili tibbi yardım” maşını ilə xəstəxanaya çatdırılıb. İçib "şirə" dönən şəxs isə polis tərəfindən tutularaq şöbəyə aparılıb. Kişi, girov müqabilində sərbəst buraxılıb.

Faktla bağlı cinayət işi başlanılıb.

Namiq Musayev