Silsilə oğurluqlar edən iki şəxs saxlanılıb - Sumqayıtda

Oğurluqda şübhəli bilinən Sumqayıt şəhər sakini E.Nəsrullayev və Bakı şəhər sakini olan bir yeniyetmə saxlanılıb. Bu barədə Daxili İşlər Nazirliyinin Mətbuat xidmətindən Avtosfer.az-a məlumat verilib. Məlumatda bildirilir ki, Sumqayıt ŞPİ 4-cü PB əməkdaşlarının keçirdikləri əməliyyat tədbirləri nəticəsində may-iyul ayları ərzində şəhər ərazisindəki 7 avtomobildən, habelə 2 evdən pul, mobil telefon və məişət əşyaları oğurlamaqda şübhəli bilinən şəhər sakini, əvvəllər məhkum olunmuş E.Nəsrullayev və Bakı şəhər sakini olan bir yeniyetmə saxlanılıb.