Şumaxer müalicə kursundan sonra Fransanı tərk edib

“Formula 1” üzrə yeddiqat dünya çempionu Mixael Şumaxer Paris klinikasında müalicə aldıqdan sonra Fransanı tərk edib. Avtosfer.az APA-ya istinadən xəbər verir ki, bu barədə “BFMTV” telekanalının efirində “Le Parisien” qəzetinin jurnalisti Jan-Mişel Dekyuji bildirb. “Şumaxer 9 sentyabrda bazar ertəsi günü Parisə gətirilib. Çərşənbə axşamı günü tibbi müayinələrdən keçib və cümə axşamı günü gecə vaxtı Fransadan aparılıb”, - Dekyuji belə deyib. Onun bildirdiyinə görə, keçmiş yarışçıya kök hüceyrələrinin əlavə olunduğu qan köçürülüb. Rəsmi olaraq, müalicə kursu ilə bağlı hər hansı bir məlumat verilməyib.