Taksi sürücüsü ona bıçaqla hücum edən sərnişinləri güllələdi

Rusiyada taksi sürücüsü ona hücum edən sərnişinlərə travmatik tapançadan atəş açıb. Avtosfer.az yerli mətbuata istinadən xəbər verir ki, insident Lenoblast şəhərinin Vsevolojsk rayonunda baş verib.

Məlumata görə, sentyabrın 8-i gecə saatlarında 24 yaşlı sürücü sifarişlə çağırılan ünvana gedib. 

Koltuşsk şosesində onun maşınına iki cavan oğlan əyləşib. Onlar səs-küy salaraq ayaqları ilə oturacaqlara vurmağa başlayıblar. Sonra onlardan biri bıçaq çıxarıb. Soyuq silahı görən sürücü maşından çölə atılıb, sərnişinlər də onun arxasınca. Taksiçi özünü müdafiə etmək üçün rəqiblərinə travmatik tapançadan 3 əl atəş açıb. Onlardan biri yaralanaraq xəstəxanaya çatdırılıb, ikincisi isə münaqişə zamanı qaçıb.

Hüquq-mühafizə orqanlarının əməkdaşları hadisə ilə bağlı araşdırmalar aparır.

Namiq Musayev