Tikinti gedən binanın altında maşın saxlayıblar – İŞÇİLƏR NARAZIDIR - VİDEO

Bakıda təmir-tikinti işləri aparılan binanın qarşısında avtomobillərin nizamsız park edilməsi yük maşının sürücüsünün narazılığına səbəb olub.

Avtosfer.az xəbər verir ki, məsələ ilə bağlı ərazidə işləyən yük maşını sürücüsü irad bildirib və görüntüləri sosial şəbəkədə yayıb.

Onun sözlərinə görə, sözügedən binanın altında və ətrafında avtomobillər park olunduğu üçün həm təhlükəsizlik problemi yaranır, həm də tikinti materiallarının daşınması mümkünsüz hala gəlir:

“Orada xəbərdarlıq edilib, dayanmaq və ya park etmək olmaz. Təmir gedən binanın altında maşın saxlamaq həm sakinlərin, həm də sürücülərin həyatı üçün təhlükəlidir. Üstəlik, yük maşınlarımız ora girə bilmir, çünki yol tam tutulur. Bu da işimizi ləngidir. Bu bir yana, gəlib tikinti gedən binanın altında saxlayır, maşının üstünə nəsə düşə bilər. Sonra da televiziya çağırır ki, maşınıma ziyan dəyib”.

Eltac Zülfüqaroğlu