Trampdan Rusiya və Çinə XƏBƏRDARLIQ

Pekində keçirilən son görüşümüzdə Prezident Si mənə heç bir halda İran İslam Respublikasına silah verməyəcəyini və ya satmayacağını dedi və bu açıqlama Çin şirkətlərinə də aid idi. Avtosfer.az xəbər verir ki, bu sözləri ABŞ Prezidenti Donald Tramp özünün “Truth” sosial şəbəkəsində yazıb.
O bildirib ki, eynilə, Rusiya Prezidenti Vladimir Putin də İrana silah satmayacağını deyib.
“O başa düşür ki, mən silahı Ukraynaya deyil, NATO ölkələrinə satıram. Onlar tam qiyməti ödəyirlər və bu silahların necə paylandığından xəbərim yoxdur. Buna görə də, insanların İran məsələsi ilə bağlı tez-tez danışdıqları bu iki böyük ölkə mənim fikrimcə, prosesdə iştirak etmir. Əgər etsəydilər, bu, onlar üçün çox pis olardı və onların mənafeyinə uyğun deyil”, - deyə Tramp əlavə edib.