Türkiyədə 40-dan çox qanunsuz miqrant saxlanılıb

Türkiyənin Balıkesir vilayətinin sahillərində 44 qanunsuz miqrant saxlanılıb. Avtosfer.az-ın Trend-ə istinadən məlumatına görə, onlar Yunanıstanın Midilli adasının ərazisinə qanunsuz daxil olmağa çalışırdılar. Məlumata əsasən, miqrantlar jandarmeriya əməkdaşları tərəfindən saxlanılıb. Bunlardan 43 nəfəri Əfqanıstan vətəndaşı, biri Somali vətəndaşıdır. Miqrantlar müvafiq orqanlara təhvil verilib.