Üç evdən 27 min manatlıq pul və qızıl-zinət əşyaları aparılıb

Bakıda oğurluq etdiyinə görə tutulan şəxsin digər cinayəti də məlum olub. Bu barədə Avtosfer.az-a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, oğurluq etdiyinə görə tutulan H.Bağırovun ətrafında Suraxanı Rayon Polis İdarəsinin 31-ci Polis Bölməsinin əməkdaşları tərəfindən aparılan əməliyyat tədbirləri ilə onun rayon ərazisindəki 3 evdən 17 000 manat, 10 050 manat dəyərində qızıl-zinət əşyaları və noutbuk oğurlaması da müəyyən edilib.

Faktla bağlı araşdırma aparılır.

Namiq