“Ukrayna dairəsi”ndə aparılan təmir işləri dəhşətli tıxaca səbəb olub - VİDEO

Məlumdur ki, bir neçə gün əvvəl ölkənin ən böyük dairələrindən olan, 5 müxtəlif istiqamətdən gələn yolların kəsişdiyi “Ukrayna dairəsi”ndə təmir işlərinə başlanılıb. Dairədə aparılan təmir işləri dəhşətli tıxacın yaranmasına səbəb olub.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Görüntüdən də aydın olur ki, müxtəlif istiqamətlərdən gələn nəqliyyat vasitələri tıxacda gözləyirlər. İzləyici dairənin bir tərəfinin bağlanması səbəbindən sıxlığın şiddətləndiyini qeyd edib.

Bakı şəhər Dövlət Yol Polisi İdarəsinin bölmə rəisi polis kapitanı Toğrul Nəsirli Avtosfer.az-ın sorğusuna cavab olaraq bildirib ki, Dövlət Yol Polisi tərəfindən yarana biləcək sıxlığın qarşısının alınması məqsədilə nəzarət-profilaktik tədbirlər həyata keçirilir: “Sürücülərdən xahiş edirik ki, qaydalara ciddi şəkildə riayət etsinlər, nasaz nəqliyyat vasitələrini istifadə etməsinlər və dayanma-durma qaydalarına əməl etsinlər”.

Nərmin