Vağzalda polis əməkdaşı bıçaqlanıb

Almaniyanın Münhen vağzalında polis əməkdaşı bıçaqla hücuma məruz qalıb. Avtosfer.az xəbər verir ki, bu barədə hüquq-mühafizə orqanları “Twitter” səhifəsindən məlumat yayıb.

Məlumata görə, polis əməkdaşı vağzalın binasında növbədə olarkən, yerli saatla təxminən 06.30-da ona arxadan cavan şəxs yaxınlaşaraq bıçaq zərbəsi endirib. Nəticədə asayiş keşikçisi xəsarət alaraq xəstəxanaya yerləşdirilib. Şübhəli isə saxlanılıb.

Aparılan araşdırma zamanı, hücum çəkən şəxsin 23 yaşlarında Almaniya vətəndaşı olduğu və Münhendə yaşadığı məlum olub.

Hadisənin motivləri barədə məlumat verilmir.

Namiq Musayev