Xətaidə icra hakimiyyətinin yanında səkiyə şlaqbaum quraşdırılıb - VİDEO

Paytaxtın Xətai rayonu, Nəcəfqulu Rəfiyev küçəsində piyadalar üçün nəzərdə tutulmuş səkidə şlaqbaum quraşdırılıb. 

Avtosfer.az xəbər verir ki, məsələ ilə bağlı sakinlər bildirirlər ki, ərazi avtomobillər üçün dayanacağa çevrilir və bu da piyadaların hərəkətinə ciddi maneə yaradır.

Şlaqbaumun qanunsuz şəkildə quraşdırıldığı iddia olunur. Sakinlərin sözlərinə görə, bu proses barədə Xətai Rayon İcra Hakimiyyətinin heç bir məlumatı yoxdur. “Əgər xəbərləri olsaydı, bu cür qanunsuzluğa icazə verməzdilər”, – deyə sakinlər qeyd edirlər.

Piyada yolunun maşınlar üçün dayanacağa çevrilməsi həm təhlükəsizlik, həm də şəhərsalma baxımından ciddi problem hesab olunur. 

Paytaxtda onsuz da piyadaların hərəkəti üçün yetərli infrastruktur çatışmazlığı var və belə hallara qarşı müvafiq qurumların təcili tədbir görməsi vacibdir.

Eltac Zülfüqaroğlu