Yaponiyada tayfuna görə 150-dən çox təyyarə reysi ləğv olunub

Yaponiya aviaşirkətləri ölkənin cənub-qərb hissəsində tüğyan edən güclü “Fransisko” tayfununa görə 150-dən çox təyyarə reysini təxirə salmağa məcbur olub. Avtosfer.az "Report"a istinadən xəbər verir ki, bu barədə Yaponiyanın İctimai televiziyası məlumat yayıb. Qeyd olunur ki, bu günə qədər Kyusyu adasından ölkənin digər bölgələrinə nəzərdə tutulan 160-a yaxın daxili təyyarə uçuşu ləğv edilib. Pis hava şəraiti ölkənin cənub-qərbindəki dəmir yolu nəqliyyatında fasilələrə səbəb olub.

15 mindən çox insan təxliyə barədə məlumatlandırılıb.