Yevlaxda yol-nəqliyyat hadisəsi olub, xəsarət alanlar var

Yevlax rayonunda iki nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən verdiyi verdiyi məlumata görə, hadisə Tanrıqullar kəndi ərazisində qeydə alınıb.

"VAZ-2106" markalı avtomobil qəfil qarşısına çıxan camışı vuraraq öldürüb. Bu zaman yolda hərəkətdə olan digər minik maşını da heyvana çırpılıb. Qəza zamanı “VAZ-2106”da olan 2 nəfər müxtəlif dərəcəli bədən xəsarətləri alaraq Mingəçevir xəstəxanasına yerləşdirilib.

Faktla bağlı araşdırma aparılır.