Yol kənarında avtomobil aşkarlandı: içərisindən güllələnmiş 3 yaralı tapıldı - FOTO

Kanadanın Toronto şəhərində avtomagistralda baş verən atışma nəticəsində 3 nəfər yaralanıb. Avtosfer.az xəbər verir ki, bu barədə ötən gün “Global News” telekanalı məlumat yayıb.

Məlumata görə, polislər yol kənarında, salonunda odlu silahdan açılan atəş nəticəsində yaralanan 3 nəfərin olduğu avtomobil aşkarlayıblar. Onlardan 2-si kişi, biri isə qadındır.

Yaralılar xəstəxanaya çatdırılıblar, kişilərdən birinin vəziyyətinin ağır olduğu bildirilir.

Asayiş keşikçiləri naməlum cinayətkarın axtarışlarına başlayıb.

İnsidentlə bağlı şose bir neçə saatlıq bağlı qalıb.

Namiq Musayev