Ağstafada 20 yaşlı gənc dəm qazından zəhərlənib

Ağstafa rayonunda dəm qazından zəhərlənmə faktı qeydə alınıb. Avtosfer.az-ın APA-ya istinadən məlumatına görə, hadisə rayonun Aşağı Göycəli kəndində baş verib. Kənd sakini, 2005-ci il təvəllüdlü Röya Tağıyeva dəm qazından zəhərlənmə diaqnozu ilə xəstəxanaya yerləşdirilib. Yaralıya dərhal tibbi yardım göstərilib. Həkimlər onun vəziyyətini orta-ağır qiymətləndirir. Faktla bağlı araşdırma aparılır.