Avtomobilində 200 kiloqram narkotik daşıyan diplomat Bolqarıstanda saxlanıldı

Bolqarıstan polisi Konqo Demokratik Respublikasının Benilüks ölkələrindəki səfirliyinin ikinci katibi Jan de Dyö Mutebva Mulumbanı saxlayıb.

Avtosfer.az “Le Monde” nəşrinə istinadla xəbər verir ki, onun diplomatik nömrəli avtomobilində 200 kiloqram narkotik vasitə aşkar edilib. Diplomat Bolqarıstan polisinə ifadəsində Sofiyada yaşayan arvadı üçün bazarlıq etdiyini bildirib. 

Onun diplomatik toxunulmazlıqdan istifadə edərək bu il Bolqarıstana 5 dəfə sərbəst şəkildə gəlib-getdiyi müəyyən edilib. Diplomatla yanaşı onun avtomobilində olan belçikalı qadın və başqa bir Bolqarıstan vətəndaşı saxlanılıb. Təqsirləri sübuta yetiriləcəyi təqdirdə onları 20 ilədək həbs gözləyir.

Məsələ ictimailəşdikdən bir neçə saat sonra diplomatın keçmiş qayınatası bildirib ki, onun qızı artıq 3 ildir Mulumba ilə ailəli deyil. Yeri gəlmişkən, qayınata Konqo Demokratik Respublikasının hazırkı prezidenti Çizikedinin müşaviri olub.

Vüqar