Bakıda 10 min manatlıq qızıl oğurlayan qadın saxlanıldı

Paytaxtın Yasamal rayonu ərazisində yerləşən mənzillərin birindən dəyəri 10 min manat olan qızıl-zinət əşyaları oğurlanıb.

Bu barədə Avtosfer.az-a DİN-in mətbuat xidmətindən bildirilib. 

Polis əməkdaşları tərəfindən həyata keçirilən tədbirlərlə əməli törətməkdə şübhəli bilinən 52 yaşlı N.Babayeva müəyyən edilərək saxlanılıb. Onun qızıl-zinət əşyalarını satdığı məlum olub.

Araşdırma aparılır.