Bakıda idman meydançasında meyit tapıldı

Paytaxtın Sabunçu rayonunda meyit tapılıb.

Avtosfer.az “Qafqazinfo”ya istinadən xəbər verir ki, Bakıxanov qəsəbəsi Sülh küçəsi 12-də yerləşən binanın həyətindəki idman meydançasında kişi meyiti aşkarlanıb.

Meydançadakı turnikin yanında tapılan meyitin 1963-cü il təvəllüdlü F.Baxşəliyevə məxsus olması məlum olub. Əvvəllər məhkum olunmuş şəxsin evsiz olduğu və tüfeyli həyat tərzi sürdüyü bildirilib.

Faktla bağlı araşdırma aparılır.