Biləsuvarda iki gənc bıçaqlandı - YENİLƏNİB

Biləsuvarda bıçaqlanma hadisəsi zamanı xəsarət alan şəxsin vəziyyəti açıqlanıb.

Avtosfer.az oxu.az-a istinadən xəbər verir ki, Tibbi Ərazi Bölmələrini İdarəetmə Birliyindən (TƏBİB) verilən məlumata görə, mayın 7-də saat 02:00-da 2006-ci il təvəllüdlü şəxs (kişi) Biləsuvar Rayon Mərkəzi Xəstəxanasına hospitalizasiya olunub.

"Ona sağ əlin və kürək nahiyəsinin açıq yarası diaqnozu təyin edilib. Pasiyent üzərində cərrahi əməliyyat icra olunub və hazırda vəziyyəti ağır qiymətləndirilir", - deyə məlumatda bildirilir.

***09:30

Biləsuvar rayonunda bıçaqlanma olub.

Avtosfer.az xəbər verir ki, hadisə rayonun mərkəzi ərazisində qeydə alınıb.

Belə ki, Biləsuvar şəhər sakini, 2003-ci il təvəllüdlü Rəhimli Kənan Ramil oğlu və 2006-ci il təvəllüdlü Şahbazov Tərlan Niyamədddin oğlu bıçaqlanıb.

Hər iki gənc rayon xəstəxanasına çatdırılıb.

Boğaz nahiyəsindən ağır bıçaq yarası alan K.Rəhimli dərhal rayon xəstəxanasında əməliyyata alınıb.

İlkin məlumata görə, gənclərə bıçaq xəsarəti eyni şəxs tərəfindən vurulub.

Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.

***

Əməli törətməkdə şübhəli bilinən rayonun Bağbanlar kənd sakini, 24 yaşlı Səyyad Qəmbəri polis əməkdaşları tərəfindən saxlanılıb. Araşdırma aparılır.

***

Yaralı K.Rəhimli əməliyyat olunub, həkimlər vəziyyətini qənaətbəxş qiymətləndirir.