“Boeing” şirkəti cərimələndi

“Boeing” şirkəti genişmiqyaslı təhlükəsizlik pozuntularına görə ABŞ Federal Aviasiya Administrasiyasına 3,1 milyon dollar cərimə ödəyib. 

Avtosfer.az xəbər verir ki, bu barədə “Reuters” agentliyinə administrasiyadan bildirilib. Şirkət cəriməni 2026-cı ilin yanvarında ödəsə də, məlumat ictimaiyyətə açıqlanmayıb. 

Pozuntular arasında 2024-cü ilin yanvarında “Alaska Airlines” aviaşirkətinin “Boeing 737 MAX 9” təyyarəsində baş verən və gövdənin bir hissəsinin uçuş zamanı qopması ilə nəticələnən insidentlə bağlı hallar da olub. Agentlik, həmçinin “Boeing” şirkətinin təhlükəsizlik üzrə məsul əməkdaşların müstəqilliyinə müdaxilə etdiyini bildirib. FAA 2023-cü ilin sentyabrından 2024-cü ilin fevralınadək şirkətin istehsal müəssisələrində yüzlərlə keyfiyyət pozuntusu müəyyən edib.

Vüqar